Kunnu nú selja fisk til Turkalands við tolllætta

Nú fríhandilssáttmálin millum Føroyar og Turkaland er komin í gildi, kunnu tey, sum hava bíðað eftir honum, útflyta til Turkalands.

Heilsufrøðiliga starvsstova boðar frá, at stórur áhugi er í Føroyum at brúka sáttmálan.

Áhugin er hjá útflytarum, sum vila selja fisk og fiskavørur til Turkalands.

Somu krøv sum í ES

Fyri fiskavørur eru krøvini tey somu sum í ES, og  løggildu fiskavirkini í Føroyum kunnu útflyta til Turkalands við serskildari heilsuváttan, sum skal fylgja við vøruni.

Eisini fyri fiskamjøl líkjast krøvini nógv krøvunum, sum virkini longu hava, tá tey útflyta til ES. 

Tó eru nøkur ávís krøv um kanningar løgd afturat krøvunum um fiskamjøl, sum skal til Turkalands.