Betri møguleikar at kanna doping í Føroyum

Betri møguleikar at kanna doping í Føroyum
Fimm føroyingar kunnu nú taka dopingroyndir í Føroyum
 
13.11.2017 - 18:48

Í oktober mánaða fingu fimm føroysk dopingeftirlitsfólk góðkenning, at taka dopingroyndir.

Dopingeftirlitsfólkini fingu frálæru í mannagongdum, sum eru tengdar at hesum arbeiði og stóðu sjálvi fyri dopingroyndunum, sum vóru tiknar herfyri.

Áður hevur Antidoping Danmark staðið fyri hesum royndum. Hetta hevur viðført, at arbeiðið ikki hevur verið nóg støðugt.

Føroysku dopingeftirlitsfólkini hava nú møguleika sjálvi at taka hesar royndir.

Higartil í ár eru 30 royndir tiknar av føroyskum ítróttafólkum - allar royndirnar hava verið negativar.

Petur Mittún, aðalskrivari í ÍSF, fegnast um at dopingeftirlit nú kann fremjast av føroyskum eftirlitsfólki.

-Áður hava dopingroyndir bert verið tiknar tvær ferðir um árið. Nú hava vit møguleikan at fara meira málrættað út og hetta ger, at arbeiðið gerst meira støðugt og skipað”, sigur Petur Mittún.


Petur Mittún, aðalskrivari í ÍSF
Er kopiera
Nýggjastu sendingar í ÚV
Mikudag 8. mai
Ein sangur um frælsi (1:5)
174575
Mikudag 8. mai
Góðan morgun Føroyar
174807
Mikudag 8. mai
Morgunlestur mikudagur 8. mai 2024
174297
Týsdag 7. mai
Góðan morgun Føroyar
174745
Nýggjastu sendingar í SV
Týsdag 7. mai
Veðrið
174774
Týsdag 7. mai
3-2 (6. mai 2024)
174735
Fríggjadag 3. mai
Veðrið
174592
Hósdag 2. mai
Dagur og vika - teknmálstulkað
174537