Nýggjur flokkur í Grønlandi

Ein nýggjur politiskur flokkur er ávegis í Grønlandi. Fyrrverandi landsstýrismaðurin í uttanríkismálum, Vittus Qujaukitsoq, fór beint sum hann tók seg úr flokkinum Siumut í september í fjør undir at stovna ein nýggjan flokk. Nú skrivar grønlendski miðilin Sermitsiaq, at umsitingin hjá grønlendsku valnevndini hevur fingið undirskriftirnar, sum skulu til at stovna ein nýggjan flokk og nú verður kannað, um hesar fullgóðar. 942 atkvøður skulu til.

Nýggi flokkurin eitur Nunatta Qitornai.

Flokkurin hevur enn onga stevnuskrá - yvirskipaða málið er tó sjávræði.

Við grønlendsku útvarpstíðindini hevur Vittus Qujaukitsoq sagt, at sjálvræði fyri Grønland og økt sjálvræði í øllum viðurskiftum, sum hava við Grønland og grønlendska fólki at gera, er aðalendamálið.