Drápsmaður varðhaldsfonglaður

Maðurin er varðhaldsfongslaður, og møguleiki er ikki at fáa hann leysan við veðhaldi.

Verjin hjá skuldsetta manninum mótmælti ikki avgerðini hjá dómaranum.

17 fólk doyðu, og í minsta lagi 14 vórðu særd, tá maðurin skeyt eftir teimum á Marjory Stoneman Douglas High School.

Samveldisløgreglan, FBI, fekk eina fráboðan um, at ein brúkari á Youtube, sum  nýtti navnið Nikolas Cruz, hevði lagt eitt video-brot á heimasíðuna.

Nú siga bæði løgreglan og amerikanskir miðlar, at varðhaldsfongslaði maðurin eitur Nikolas Cruz.

Í video-brotinum segði hann, at hann vildi vera professionellur skúla-álopsmaður.

FBI kannaði málið, men kundi ikki staðfesta samleikan hjá manninum, og hvar hann helt til.  

Tað, sum er farið av hesum árinum, hava 18 skottilburðir verið í ella uttan fyri amerikanskar skúlar. 

Tilsamans 23 skúlanæmingar, lesandi og lærarar hava latið lív.