Japanar filma asteroidu

Japanska rúmdarfarið, Hayabusa 2, sum í 2014 fór sína longu ferð at kanna asteroiduna Ryugu, er nú so nær, at myndir eru sendar til jørðina av hesi smágongustjørnuni. Tað skrivar BBC.com.

Rúmdarfarið, sum eisini skal savna grót- og dustroyndir av asteroiduni, er nú umleið 200 kilometrar frá málinum, og sambært japanska rúmdargranskingarstovninum, Jaxa, verður rúmdarfarið frammi tann 27. juni.

Asteroidan, sum snarar móti sólini, altso øvugtan veg, skal síðani granskast og kannast av rúmdarfarinum í hálvtannað ár. 

Japanar fara at royna at lenda fleiri før á smágongustjørnuna fyri at fáa royndirnar tiknar. Og teir fara eisini at brúka spreingievni fyri at fáa royndir tiknar innan úr asteroiduni.

Hetta arbeiðið fer kanska í gongd longu í september.

Japanska rúmdarfarið fer heimaftur í desember 2019 við tí ætlan at koma aftur til jørðina við royndunum í 2020.

Rúmdarfarið hevur egnan Twitter-vanga, har til ber at fylgja við í gongdini. Eitt filmsbrot, sum er klipt saman av 52 myndum, liggur á hesum Twitter-vanga. Tað sært tú her: 

New div after blockquote

We have seen Ryugu rotating! A series of 52 images taken at a distance of about 700km show an angular-looking asteroid. https://t.co/nGff3YIPLs pic.twitter.com/Yo0JgfNz6s

— HAYABUSA2@JAXA (@haya2e_jaxa) June 16, 2018