Methøg rentuhækkan í Argentina

Argenta er í álvarsamari búskaparligari kreppu, og í dag hækkaði argentinski tjóðbankin rentuna upp í 60 prosent. Tað er hægsta renta í øllum heiminum.

Rentan hækkar, til tess at steðga ógvisliga fallinum á landsins gjaldoyra.

Stjórnin í Argentina hevur eisini biðið altjóða gjaldoyragrunnin, IMF, um at fáa útgoldið eitt lán upp á 320 milliónir krónur fyrr enn avtalað.

Lániumsóknin varð góðkend í summar, og lánið skuldi eftir ætlan gjaldast út í stigum. Men Argentian hevur brúk fyri øllum peningunum beinan vegin.

Stjórin í IMF, Christine Lagarde, var skjót at svara, at ein loysn má finnast, tí fyritreytirnir fyri láninum eru broyttar.

Argentinski forsetin, Mauricio Macri, varð valdur, tí hann gav lyfti um at endurreisa búskapin.

Umframt at hava hægstu rentu í øllum heiminum, hevur Argentina størstu inflasjón í G20-landasamstarvinum. 

Enn hevur stjórnin ikki sett nýskipanir í verk, sum hon gav IMF lyfti um, tá biðið var um lánið.

Nýskipanirnar hava fyrst og fremst til endamáls at minka almennu nýtsluna og skuldina í Argentina.