Ein fimtipartur av íslendskum lesandi nýta rúsevni

Umleið 20 prosent av lesandi á lærdu háskúlunum í Íslandi brúka stimbrandi evni, sum tey fáa hendur á uttan at hava ávísing. 

Tað vísir nýggj kanning hjá Janu Rós Reynisdóttir í íslendska heilsuráðnum. 

Flestu lesandi nýta hesi evni fyri at kunna hugsavna seg betri og duga betri.

Jana Rós Reynisdóttir er stúrin um úrslitið. Hon sigur, at alt ov nógv lesandi eru bundin av stimbrandi evnum, og tey fáa tað frá onkrum, sum hevur havt læknaávísing. 

Nýggj kunngerð frá íslendska heilsumálaráðnum kom í gildi 1. september, og sambært henni skulu nú allar ávísingar vera elektroniskar. Hetta skal millum annað forða fyri, at ávísingar verða falsaðar, skrivar íslendska Morgunblaðið.