Sjøtul settur á nýggju viðarlundina á Tvøroyri

Sjøtul er nú settur á nýggja viðarlund á Sevmýri á Tvøroyri.

Í gjár gróðursetti Skógrøktin tilsamans 1.000 trø, og borgarstjórin, Kristin Michelsen, setti fyrsta træið niður.

Træsløgini eru royniviður, øsp og lerkur. Í næstum verða 1500 trø gróðursett aftrat.

Viðarlundin verður 11.300 fermetrar. 

Hon er oman fyri vegin á Sevmýri, og er framhald av viðarlndini, sum Thorvald Joensen, lærari, gróðursetti fyri mongum árum síðani.

Tá hann var deyður, varð garðurin latin Skógfriðingarnevndini. 

Í umbúna er eisini at gera gøtur og opin pláss til beinkir og borð í nýggju viðarlundini.

Frammanundan eru tvær viðarlundir í Tvøroyrar kommunu.

Onnur er oman fyri sjúkrahúsið, og hin er plantasjan í Trongisvági, har fyrstu planturnar vórðu settar niður í 1920-unum.

Tvøroyrar kommuna hevur næststørsta skógfriðaða lendi í landinum.