Hesir byrja inni ímóti Aserbadjan

Í løtuni verður seinasta hond løgd á fyrireikingarnar til UEFA Nations League dystin móti Aserbadjan.

Seinasti fundurin hevur verið, og nú er greitt, hvørjir teir fyrstu ellivu verða, ið venjararnir, Lars Olsen og Jóannes Jakobsen senda á vøllin frá byrjan.

Gunnar Nielsen verður í mál, og í verjuni verða Gilli Rólantsson Sørensen, Odmar Færø, Atli Gregersen, Sonni Ragnar Nattestad og Viljormur Davidsen.

Á føroyska miðvøllinum frá byrjan verða Sølvi Vatnhamar, Hallur Hansson, Rógvi Baldvinsson og Brandur Hendriksson Olsen, meðan fremsti maður verður Klæmint Andrasson Olsen.

UEFA Nations League dysturin millum Aserbadjan og Føroyar verður á olympiska leikvøllinum í Baku, har pláss er fyri umleið 70.000 áskoðarum.

Umleið 20.000 atgongumerkir eru seld sambært fótbóltssambandinum í Aserbadjan. 

Fimm føroyskir áskoðarar eru komnir longu leiðiðna til Aserbadjan at stuðla.

Dysturin millum Aserbadjan og Føroyar byrjar klokkan 17.00. Sjónvarpið sendir beinleiðis frá klokkan 16.30.