Nethandilin ger afturlatingarlógina óneyðuga

Nethandilin ger, at brúk er ikki fyri afturlatingarlógini ­longur.

Og skal hon broytast­, eiga allir handlar at sleppa at hava opið sunnudagar, ikki bara matvøruhandlar.­­­­­­­­­­­­­­­­­­­­­­­­­­­­­­­

Tað heldur Føroya arbeiðsgevarafelag.

Felagið sigur, at uppskotna broytingin í lógini, sum felagið hevur fingið til hoyringar, skal eftir ætlan heimila øllum teimum handlum, sum fyri ein meginpart selja gerandisvørur, eisini at hava opið sunnudagar. 

Allir handlar og allar vørur

Men hendan broyting eigur at umfata allar handlar og vørur, heldur Arbeiðsgevarafelagið.

Nethandlar eru opnir alt samdøgrið og kappast við handilsvinnuna, sum selja annað enn matvørur.

Tí er enn meira átrokandi hjá hesum parti í handilsvinnuni at kunnu bjóða seg fram hvønn dag.

Um uppskotið um lógarbroyting ikki verður rættað til soleiðis, at broytingin fevnir um alla vinnu, so heldur Arbeiðsgevarafelagið eins og Handilsvinnufelagið, at afturlatingarlógin skal ikki broytast.