Kanadiari dømdur til deyða í Kina

Robert Lloyd Schellenberg varð í 2014 tikin fyri at hava ætlanir um at smugla 227 kilo av metamfetamini úr landinum til Avstralia. 

Í 2015 varð hann dømdur 15 ára fongsulsrevsing. Men málið varð kært, og nú hevur hann fingið deyðarevsing. Tað skrivar BBC.

Kanadiski forsætisráðharrin, Justin Trudeau, hevur fordømt deyðadómin.

Viðurskiftini millum Kina og Kanada hava verið spent, síðani kanadisku myndugleikarnir eftir áheitan úr USA handtóku Meng Wanzhou, sum er í leiðsluni hjá kinesiska telerisanum, Huawai. Meng er dóttir stovnaran av Huawai, og hon varð latin leys í desember móti veðhaldi.

Kina hevur síðani handtikið tveir kanadiarar, sum myndugleikarnir skuldseta fyri at seta tjoðartrygdina í vanda, skrivar BBC.

Beint áðrenn deyðadómurin fall, segði Schellenberg við AFP, at hann ikki var smuglari, men bara ein ferðamaður.

Hann hevur nú 10 dagar at kæra dómin, skrivar BBC.