Svimja við hvítum hávi

Eitt lið av hávagranskarum vóru kavaratúr nær land við oynna Oahu í Hawaii.

Brádliga sást ein seks metrar langur hvítur hávur í vatninum. Hvíti hávurin kom heilt tætt við kavararnar, sum leingi svumu við hávinum. 

Videoupptøkurnar (omanfyri) frá hendingini hava síðani verið at sæð á alskyns tíðindaportalum og eisini á sosialu miðlum.

Danska kringvarpið skrivar, at granskarar halda talan er um sama hávin, sum fyri 20 árum síðan fekk navnið "Deep Blue". Hetta er tó ikki váttað enn. 

Hvítir hávar eru sjáldsamir tætt við Hawaii, og júst hesin hávurin verður mettur at vera ein tann størsti, sum nakrantíð er skrásettur. 

Hávurin er mettur at viga umleið 2,5 tons.