Høgni er NM-meistari í Taekwondo

14 ára gamli Høgni Kunoy Dávason er norðurlendskur meistari í taekwondo.Bragdið framdi hann í stórari kapping í Íslandi fyrr í dag. 

Vit komu at kenna Høgna Kunoy Dávason í sendingini, Drongurin við svarta beltinum, sum tú kanst síggja her.

Høgni hevur lívshættisligu sjúkuna cystiska fibrose, sum er kronisk sjúka, sum serliga rakar lunguni.

Men tað er eitt heilt serligt seiggj í Høgna. Hóast sín unga aldur stovnaði Høgni sítt egna taekwondofelag.

Høgni hevur verið ofta undir skurði, men hann venur dagliga hart fyri at halda lungakapasitetin uppi. 

Í 2017 varð hann kosin ársins gerandishetja.

Nú er Høgni blivin NM-meistari í taekwondo í aldursbólkinum 15-17 ár, vektklassa minus-59 kg.

Samrøða við Høgna verður at hoyra í tíðindunum klokkan 18 í dag.