Rumenar revsaðu føroysk mistøk

Føroyska liðið fekk partvís uppreisn eftir vánalig avrikið í Malta leygarkvøldið.

Tá liðið hevði bóltin, líktist tað aftur tí, sum var at síggja, tá liðið hevur spælt sínar bestu dystir seinnu árini.

Men verjumistøkini kostaðu føroyingum dýrt í kvøld, og tað var serliga í seks minuttum í fyrra hálvleiki.

Fyrst skoraði Ciprian Deac til 1-0, tá 26. minuttir vóru farnir.

Claudio Keseru økti til 2-0 og 3-0, tá ávikavist 29. og 33.minuttir vóru farnir.

Í øllum trimum førum var talan um verjumistøk frá føroyska liðnum.

Føroyar svaraðu aftur, tá 40 minuttir vóru farnir. Brotsspark varð gjørt móti Klæminti Olsen.

Viljormur Davidsen skoraði sítt fyrsta landsliðsmál, tá hann sendi bóltin trygt í netið.

Føroyar høvdu málmøguleikar til at minka til 2-3 í seinna hálvleiki, men rumenski málverjin, Ciprian Tatarusanu, stóð væl, tá brúk var fyri honum.

Ístaðin slerdi Rumenia sigurin fastan, tá 63 minuttir vóru farnir við máli frá George Puscas.

Seks dýrir minuttir

Landsliðsvenjarin, Lars Olsen, heldur, at føroyska liðið spældi stundum væl, men at mistøkini gjørdu, at úrslitið bleiv sum tað bleiv.

Liðskiparin harmast um mistøkini

Liðskiparin, Atli Gregersen, var ørkymlaður eftir dystin. Nógv var gott, men mistøkini tóku glansin av tí.

Viljormur skoraði sítt fyrsta landsliðsmál

Viljormur Davidsen skoraði sítt fyrsta mál fyri Føroyar, tá hann sendi eitt brotsspark í rumenska netið.

Tað var avgjørt undan dystinum, at hann skuldi taka brotssparkið, segði málskjúttin eftir dystin