- Tíðindi, mentan og ítróttur
477 tónasmiðir fingu 2,4 milliónir frá Koda í fjør
![](https://kvf.fo/sites/default/files/styles/grein-ovasta-mynd/public/koda_grunnur.jpg?itok=E1fCdNtz)
Koda rindaði í fjør góðar 2,4 milliónir krónur til 477 tónasmiðir í Føroyum. Felagið, sum umsitur rættindi hjá føroyskum tónasmiðjum, kravdi samstundis slakar 4,8 millónir krónur úr Føroyum í fjør.
Harav góðar tríggjar milliónir krónur komu frá sjónvarpi og útvarpi, góðar 800.000 krónur frá konsertfyriskiparum og slakar 900.000 frá handlum og øðrum, sum nýta tónleik í bakgrundini.
413.000 til tónlistarlig endamál
Helvtin av tí, sum Koda kravdi úr Føroyum, endaði hjá tónasmiðjunum í Føroyum at býta millum sín.
Og áðrenn teir pengarnir verða latnir tónasmiðjum fer ein tíggjundapartur av tí, sum Koda krevur úr Føroyum, í Koda-Føroyar-Grunnin, sum felagið Føroysk Tónaskøld umsitur.
Nevndin fyri Koda-Føroyar-Grunnin býtti í fjør íalt góðar 413.000 krónur til ymisk tónlistarlig endamál í Føroyum.