Leggja verju omaná Notre Dame

10 dagar eftir at eldur oyðilegði tekjuna á dómkirkjuni, er víðagitna glasvindeygað dekkað við dúki og styrkt við timbri. 

400 sløkkiliðs- og bjargingarfólk vóru við í arbeiðinum at sløkkja eldin 15. apríl, og sambært franska innanríkismálaráðharranum hevði kirkjan ikki staðið til at bjarga, um ein hálvur tími gekk afturat, áðrenn tamarhald fekst á eldinum. 

Sambært fronskum miðlum, er ætlanin nú at reisa eitt risastórt regnskjól yvir tekjuna, fyri at verja bygningin, meðan arbeiðið at endurbyggja kirkjuna er í gongd, skrivar AP-tíðindastovan.