Uppsagdur stjóri leggur sak

AP tíðindastovan skrivar, at McCabe heldur, at orsøkin til, at hann varð uppsagdur, var politisk.

Sambært McCabe blivu fleiri leiðarar í FBI uppsagdir, tí teir ikki kundu taka undir við øllum tí, sum amerikanski forsetin, Donald Trump, fekst við.

Forsetin setti síðani FBI-stjóran, Chris Wray, og løgmálaráðharran, Jeff Sessions, at útinna sítt ynski, sigur Andrew McCabe í stevningini.

Ein samveldisdómstólur í Washington skal nú taka støðu til, um uppsøgnin av McCabe var grundað ella ikki.