Fyrrverandi forsetin í Simbabvi deyður

Fyrrverandi forsetin í Simbabvi, Robert Mugabe, er deyður, 95 ára gamal. Tað boðar boðar núverandi forsetin, Emmerson Mnangagwa, frá á Twitter.

It is with the utmost sadness that I announce the passing on of Zimbabwe's founding father and former President, Cde Robert Mugabe (1/2)

— President of Zimbabwe (@edmnangagwa) September 6, 2019

Emmerson Mnangagwa sigur, at Mugabe var ímyndin av frælsi, og at hann halgaði lív sítt til loysingina og at menna fólkið.

– Tað, sum hann legði aftrat søguni um okkara tjóð og meginland, verður ongantíð gloymt.

Tað skrivar Emmerson Mnangagwa á Twitter. Robert Mugabe stýrdi Simbabvi við harðari hond í trý áratíggju, til 2017, tá hann varð koyrdur frá.

Umheimurin fordømdi fleiri ferðir stýrið hjá Robert Mugabe, tí hann kúgaði hvíta minnilutan í landinum, og fór harðliga fram móti sínum politisku mótstøðumonnum.