Umhugsa at niðurleggja barnagarðar

Jóan Petur Hentze, trivnaðarstjóri í Tórshavnar kommunu, sigur við Sosialin í dag, at málið um tey nógvu óbrúktu ansingarplássini er nakað, sum nú verður tikið upp í kommununi. Men enn er støða ikki tikin til, um ansingarstovnar veruliga skulu niðurleggjast.

1690 ansingarpláss í kommununi
Í Tórshavnar kommunu eru tilsamans 1690 ansingarpláss, men í løtuni standa 157 óbrúkt.

Jóan Petur Hentze sigur við Sosialin, at orsøkin til at so nógv ansingarpláss eru óbrúkt er, at tað verða færri børn fødd nú.

- Fyrr varð roknað við, at 300 børn vórðu fødd í kommununi um árið. Nú liggur talið millum 240 og 260 børn, sigur trivnaðarstjórin í Tórshavnar kommunu.