Skitið vatn á Tvøroyri er onki nýtt

Sambært niðurstøðuni frá eftirlitinum á Tvøroyri 2.mai í fjør, sum Útvarpið hevur fingið innlit í, fingu fimm av níggju viðurskiftum, sum vórðu kannað, stemplið "ikki nøktandi." Talan er um samskifti við Heilsufrøðiligu starvsstovuna, tilrenningarøki, brunnar, innaneftirlit og kanningarúrslit og eftirmetingar.

Trý viðurskifti vóru í lagi, fyriskipan, mekanisk filtur og sóttreinsingartól.

Hálvan mai í fjør heitti Heilsufrøðiliga starvsstovan á Tvøroyrar kommunu at fáa nógv viðurskifti viðvíkjandi drekkivatninum ílagi. Á heimasíðu sínari heitir Tvøroyrar kommuna á fólk, sum búgva í Froðba, á Sevmýri og í Válinum um at kóka vatnið vegna fyribils umleggingar. Boðini eru dagfest 6.august.