Burðaravlopið minkar støðugt

Burðaravlopið í Føroyum hevur verið lítið seinastu tvey árini, sæst í heilsufrágreiðingini frá landslæknanum. Burðaravlopið í fjør var bara 221, og í 2008 var tað 208.

Burðaravlopið er munurin ímillum tey, sum verða fødd, og sum doyggja í einum ári. Talan er um nógv ringastu árini hesa øldina.

Nógv versnað

Uppgerðin gongur aftur til aldarskiftið, og hon vísir, at í ár 2000 var burðaravlopið 360, 150 og 140 fleiri enn í fjør og í fyrrárið.

Í 2011 vórðu bert 585 børn fødd, og í fjør vóru tey 619. Tann uppgerðin er aftur til 2002, tá 716 børn vórðu fødd.