Magnus Heinason lagdur

Magnus Heinason lagdur
Játtanin fyri í ár er uppi, tí umvælingar eru goldnar av pengunum sum eru til rakstur
 
25.09.2013 - 14:23

Rannsóknarskipið Magnus Heinason er givið við kanningunum fyri í ár. Vanliga plagar skipið at vera í drift til november, men bæði í ár og í fjør hava kanningarnar verið skerdar.

Orsøkin er, at rættiliga stórar umvælingar eru gjørdar, sum eru goldnar av vanligu rakstrarjáttanini. Tí er játtanin uppi nú, hóast nakað er eftir av árinum.

Tá skipið á sumri í 2012 var til klassingar, bleiv avdúkað, at nógvastaðni vóru pláturnar ov nógv tærdar.

Kravt varð, at summastaðni skuldu plátur skiftast beinanvegin. Aðrar kundu bíða til árið eftir.

Umvælingarnar á sumri í fjør kostaðu 2,4 mió kr. og tær sum blivu gjørdar seinasta vetur, kostaðu 1,4 mió kr.

Játtanin, sum skipið fær á fíggjarlógini á hvørjum ári, røkkur til rakstur og vanligt viðlíkahald, men hon klárar ikki so stórar eykaútreiðslur sum hesar.

Tí eru kanningarnar skerdar bæði í fjør og í ár.

 

Er kopiera
Nýggjastu sendingar í ÚV
Fríggjadag 11. juli
Praktikanturin: Erika Hentze Niclasen
194337
Fríggjadag 11. juli
Radio Stjernekilde II - part 5
194323
Fríggjadag 11. juli
RagnarRokk: Oskar Holldorff um Shards
194118
Fríggjadag 11. juli
Morgunlestur fríggjadagur 11.juli 2025
194083
Nýggjastu sendingar í SV
Fríggjadag 11. juli
Veðrið
194338
Mikudag 9. juli
Dagur og vika - teknmálstulkað
194245
Týsdag 8. juli
Veðrið
194213
Sunnudag 6. juli
Og ein summardag (2:2)
194098