Jehova Vitni í Danmark meldað fyri rasismu

Formaðurin í Stuðulsbólkinum fyri fyrrverandi Jehova Vitni, Poul Dal, sigur, at avgerð er tikin um at melda Jehova Vitni. Tað skrivar netávísin hjá Kristiligum Dagblað, k.dk., sambært Politiken.

Vilja onki endurgjald hava
”Tað er neyðugt, at Jehova Vitni fáa ein lærupening. Vit vilja onki endurgjald hava, men vilja hava staðfest, at Jehova Vitni eiga at hugsa seg betur um, tá tey umrøða onnur”, sigur hann.

Talur á summarstevnu fóru um mark
Orsøkin til at Stuðulsbólkurin fer at melda Jehova Vitni eru talur, sum Vitnini hava hildið á summarstevnuni í Silkeborg og Herlufmagle. Her vórðu fráfallin Jehova Vitni umrødd sum lívshættislig virus, og sum slangur og dálkað jørð.

Sambært Kristiligum Dagblað meta fleiri serfrøðingar, at talurnar vóru av sovorðnum slag, at til ber at leggja sak sambært grein 266b í revsilógini – eisini nevnd rasismugreinin.

Fara um mark
”Talurnar fara heilt greitt yvir um mark. Tá ið tú samanbert onnur við lívshættisligar sjúkur og slangur, so eru við yviri í kjarnuøkinum í rasismugreinini, sigur Niels-Erik Hansen, løgfrøðingur og leiðari í Dokumentasjóns- og Ráðgevingarstovuni móti rasumismuni við Kristiligt Dagblað.

Og nú hevur Stuðulsbólkurin fyri fyrrverandi Jehova Vitni so tikið avgerð um at melda Jehova Vitni.