Eysturoyartunnilin verður bæði almennur og privatur

Líkt er til, at Eysturoyartunnilin verður ein almenn og privat verkætlan.

Fólkini, sum vórðu sett at gera uppskot um tunnilsmálið, hava fýra uppskot um loysnir. Og tey mæla frá, at verkætlanin verður antin privat ella almenn burturav.

Samgongan fund

Samgongan hevði fund um tunnilsmálið í gjár. Og eftir tann fundin tykist vera greitt, at leisturin hjá Kára P. Højgaard og Innlendismálaráðnum um privata loysn burturav saman við Copenhagen Infrastructure Partners verður ikki brúktur.

Sannlíkt er nú, at stóra verkætlanin verður bæði almenn og privat.Formenninir í samgonguflokkunum og meirilutin í Fíggjarnevndini skulu nú arbeiða víðari við tunnilsmálinum.

Semja er um at gera kjarnuboringar bæði undir Tangafirði, Skálafirði og Skopunarfirði.