- Tíðindi, mentan og ítróttur
Vónin byggir verksmiðju í Litava
Vónin byggir verksmiðju í Litava
Á verksmiðjuni skulu trol gerast og útgerð til alivinnuna
26.09.2013 - 15:37
Trolvirkið Vónin byggir verksmiðju í Litava. Tað skrivar Vágaportalurin.
Sambært Baltic Business News, skal verksmiðjan hjá Vónini gera trol og útgerð til alivinnuna.
Útgerðin skal millum annað brúkast í Føroyum og Norra.
Nýggja verksmiðjan hjá Vónini verður í býnum Siauliai, sum er ein av stóru ídnaðarbýunum í Litava.
Í Litava vænta tey sær nógv av íløguni hjá Vónini. - Talan verður um næststørsta, útlendska virki av sínum slagi her, sigur Milda Darguzaite, sum er stjóri í Invest Lithuania.
Litavisku starvsfólkini hjá Vónini skulu millum annað til Føroya at lærast upp, skrivar Baltic Business News, sambært Vágaportalinum.
Er kopiera
Nýggjastu sendingar í ÚV
Nýggjastu sendingar í SV
