Villy Søvndal fekk blóðtøpp í hjartað

61 ára gamli danski uttanríkisráðharrin, Villy Søvndal, fekk í morgun ein blóðtøpp í hjartað.

Villy Søvndal merkti pínu fyri bringuni, tá hann var á veg til arbeiðis í uttanríkisráðnum í morgun.

Hann og bilførarin samdust um, at best var at senda boð eftir sjúkrabili, sum flutti uttanríkisráðharran á Ríkissjúkrahúsið.

Har fekk hann viðgerð, sum eydnaðist væl, upplýsir danska uttanríkisráðið.

Villy Søvndal tekur arbeiðið sum uttanríkisráðharri uppaftur um stutta tíð, stendur í boðunum frá uttanríkisráðnum.