75 ára gamal trúboðari latin leysur í Norðurkorea

John Short varð handtikin eftir at hava býtt kristiligt tilfar út á einum ferðavinnustaði í høvuðsstaðnum í Norðurkorea, Pyongyang.

Hann varð eisini handtikin fyri at býtt tilfar út á eini undirgrundar jarnbreyt í 2012.

Breyt lógina

Tíðindastovan í Norðurkorea, KCNA, sigur, at John Short breyt norðurkoreanska lóg, men at hann nú hevur biðið stjórnina um umbering.

- Tað er fyrst og fremst aldurin hjá John Short, sum ger, at vit hava latið hann leysan, skrivar KCNA.

Átrúnaðarligt virksemi er strangliga bannað í Norðurkorea, og seinastu árini eru fleiri trúboðarar handtiknir og settir í fongsul.

Troyttur

- Eg eri ómetaliga troyttur, segði John Short við tíðindafólk, tá hann kom úr flogfarinum í kinverska høvuðsstaðnum, Bejing, sunnudagin. Hann kom tá beinleiðis úr Norðurkorea.

Kelda: BBC