Óvissa um eftirlitið við avlurtingini

Tað stendur i hoyringssvari til Vinnumálaráðið.

Avlurtingarpakkin áleggur fjarskiftisveitarunum í Føroyum at hava tøkniliga útgerð og skipanir, so løgreglan kann gera inntriv í fráboðanarskylduna.

Við tí verður ásett í lóg, at føroysku fjarskiftisveitararnir skulu vera dátuviðgerarar fyri dátuábyrgdaran, sum er løgreglan.

Sambært føroysku persónsupplýsingarlógini er dátuábyrgdari ein almennur myndugleiki, sum ásetir endamálið við viðgerðini, og hvørji hjálparamboð kunnu brúkast.

Ein dátuviðgeri er ein almennur stovnur, sum vegna dátuábyrgdaran viðger persónsupplýsingar.

Fyri ríkismyndugleikarnar í Føroyum er danska persónsupplýsingarlógin ikki galdandi.

Dátueftirlitið heldur, at lógaruppskotið elvir til tann trupulleika, at tað verður torført at staðfesta, um tað er tann fyri ríkismyndugleikarnar galdandi lóggáva ella føroyska persónsupplýsingarlógin, sum skal galda. Og tá, um føroyska ella danska Dátueftirlitið er eftirlitsmyndugleiki.

Landsstýrið hevur í nógv ár roynt at dagføra lógina, men higartil uttan úrslit.