Stril Merkur er komin í føroyska flotan

Í dag legst fimta skipið afturat frálandaflotanum hjá Team Beredskab í Tórshavn. Stril Merkur ið er bygdur í 2011, er 98 metrar langur og 19 breiður.

Skipið er bygt í tøttum samstarvi við Statoil, sambært krøvum teirra til eitt framkomið hágóðskuskip at veita munadygga trygd á oljuøkjunum í Norðsjónum.

Farið varð beinleiðis av skipasmiðju inn í 10 ára chartur hjá Statoil - við møguleika fyri at leingja avtaluna í fimm ár.

Skipið varð frá byrjan væl mannað við føroyingum. Nakrir royndir Norðmenn vórðu tó við, til tess at byggja upp føroyskar førleikar at sigla framkomna farið.

Seinasta árið hevur øll manningin verið føroysk.

Nú Stril Merkur kemur undir føroyskt flagg, Team Beredskab áleið 105 føroyingum starv á føroyskum kjøli.

Tað er norska frálandareiðaríið Simon Møkster Shipping í Stavanger, sum eigir Stril Merkur og hini fýra skipini, sum Team Beredskap tekur sær av at manna.

Simon Møkster Shipping eigur tilsamans 23 frálandaskip og hevur fýra nýbygningar í gerð.