Aleqa Hammond halda røðu í ST

ST aðalskrivarin, Ban Ki-moon, ætlar at nýta Grønland sum fyrimynd í royndini at fáa heimsins leiðarar at taka veðurlagsbroytingarnar í størri álvara.

Tað segði hann grønlendska landsstýrismanninum í umhvørvis- og náttúrumálum, Kim Kielsen, sum hitti ST-aðalskrivaran í New York.

Ban Ki-moon var á vitjan í Grønlandi í mars, og hóast vitjanin bert vardi í tvey samdøgur, so segði hann seg fáa nógv burturúr.

So nógv, at hann nú vil hava Grønland uppí arbeiðið, sum ST nevnir: "Burðardygg orka til øll".

23. september verður veðurlagstoppfundur í høvuðsborgini hjá ST í New York, og millum røðararnar verður grønlendska landsstýrisforkvinnan, Aleqa Hammond.

Á fundinum við landsstýrismannin segði ST-aðalskrivarin seg vóna, at londini sum hava nógv vakstrarhúsútlát, fara at leggja ætlanir fram um at minkia útlátið á fundinum í september.