Óvanliga friðarligt hjá løgregluni í nátt

Ein maður var dottin og hevði fingið skaða í andlitið. Maðurin hevði drukkið ov nógv og var illur í sær. Løgreglan fekk tó sissað mannin, sum varð fluttur á skaðastovuna til kanningar. 

Ein kona varð dottin í eini trappu, og ein gentusúkkla er stolin í Havn.

Vakthavandi á politistøðini í Havn, Per Skov, sigur, at tað hevur verið óvanliga friðarligt, tá hugsað eisini verður um, at ikki minni enn fýra stór tiltøk hava verið kring landið um vikuskiftið, - regatta í Hvalvík, stevna í Vestmanna og Fuglafirði og Liva-tiltakið á Tvøroyri.