Flogskipari: - Tekur mánaðir at sløkkja skógareld

<p>Fimm fyrrverandi flogskiparar á hernaðarflogførum úr Italia og Fraklandi stríðast í hesum døgum við at fáa tamarhald á skógareldinum í Svøríki, ið tamarhald ikki er á.</p>

<p>Útlitini, at fáa tamarhald á skógareldinum, ið er tann ringasti í Svøríki í nýggjari tíð, eru tó ikki góð, siga flogskipararnir sambært norska kringvarpinum, NRK.</p>

<p>- Fólk eru fingin burtur frá teimum smærru bygdunum, og nú eru fólk ikki í lívsvanda, sigur ein av flogskiparunum, ið flýgur eitt av flogførunum, ið sleppur vatn í økinum.</p>

<p><strong>Eitt fólk latið lív</strong></p>

<p>Eitt fólk hevur higartil latið lív í ógvusliga skógareldinum í Svøríki, ið er tann ógvusligasti skógareldurin í nýggjari tíð, sambært svenskum fjølmiðlum.</p>

<p>Myndugleikarnir hava flutt 1.000 fólk burtur frá húsunum hjá sær, meðan 4.500 onnur fólk hava fingið boð um, at tey skulu gera seg til reiðar at rýma frá húsum.</p>

<p>Higartil hevur skógareldurin brent 190 ferkilometrar av skóg, og fleiri bygningar eru eisini brendir í grund, síðan skógareldurin kyknaði í útnyrðing úr Stockholm.</p>