Heilsuhjálparafelagið: Óskiljandi og álvarsamt

- Hetta er púra óskiljandi og álvarsamt. 

Tað sigur Mary Antonsdóttir, forkvinna í Heilsuhjálparafelagnum, nú ivasamt er, um nýggi heilsuhjálparaflokkurin hjá Heilsuskúlanum, sum eftir ætlan eisini skal vera í Havn, verður settur á stovn.

Ov fá hava søkt inn á útbúgvingina.

Bara 16 umsóknir komu, men tað er í fyrsta umfari ikki nóg mikið til at seta flokkin á stovn.

Heilsuskúlin hevur sett sum krav, at minst 20 næmingar skulu vera í flokkinum. 

Hóast ein faklærdur heilsuhjálpari fær umleið 2.500 krónur meira um mánaðin enn ein ófaklærdur á endastigi, skal meira til at gera útbúgvingina nóg lokkandi, sigur Mary Antonsdóttir.

Hoyr innslag í útvarpstíðindunum: 

.