Týskarar umhugsa hernaðarligan stuðul

Í morgin fer týski samveldiskanslarin, Angela merkel at taka støðu til, um Týskland skal senda vápn til kurdarnar í Norðurirak, sum eru undir trýsti av uppreistrarfelagskapinum, IS.
Tá USA gjørdi av at leypa á Irak fyri 11 árum síðani, vildi Týskland ikki vera við í átakinum. Men líkt er nú til, at Týskland er sinnað at vera við í einum átaki í Irak.
Samtykkir samveldistingið upskotið frá stjórnini, so er tað fyrstu ferð síðani seinna heimsbardaga, at Týskland beinleiðis leggur seg út í stríð í einum øðrum landi, við at lata vápn.
Angela Merkel hevur upplýst, at umleið 400 av hermonnunum hjá IS, eru úr Týsklandi, og tí kunnu vit ikki venda bakið til sigur hon.