Bretsk flogfør bumba nú eisini Islamiskan stat

<p>- Eg kann vátta, at bretsk flogfør nú stuðla irakisku stjórnina í stríðnum ímóti Islamiskum stati í útnyðringspartinum av Irak, sigur bretski verjumálaráðharrin, Michael Fallon.</p>

<p>Tvey bretsk flogfør hava søkt at støðum hjá IS, har bretsku myndugleikarnir halda, at IS hevði tung vápn standandi. Teirra uppgáva var at stuðla kurdisku deildirnar sum stríðast ímóti IS, sigur verjumálaráðharrin.</p>

<p><strong>SÍ EISINI <a href="http://kvf.fo/greinar/2014/09/23/lupu-islamiskan-stat-i-natt">Lupu á Islamiskan stat í nátt</a></strong></p>

<p>Álopið eydnaðist væl, og bæði flogførini eru komin aftur til støðina á Kypros. Bretsku flogførini søktu at málunum fýra dagar eftir at bretska parlamentið góðkendi at senda bretsk flogfør at søkja at málum hjá IS.</p>

<p>Fólkatingið umrøður í løtuni eitt uppskot um at senda donsk F-16 flogfør at vera við í stríðnum ímóti IS.</p>