Fyrsti ebola tilburðurin í USA staðfestur

<p>Tað er staðfest, at maðurin er sjúkur av ebola sjúkuni. Í løtuni er maðurin avbyrgdur á Texas Health Presbyterian Hospital í Dallas, skrivar <a href="http://www.bbc.com/news/world-us-canada-29437070" target="_blank">BBC</a>.</p>

<p>Hildið verður, at maðurin fekk ebola sjúkuna í Liberia tvær vikur áðrenn hann kom til USA við sjúkuni. Læknar gera alt, teir eru mentir, fyri at hjálpa manninum, sigur ein talsmaður fyri sjúkrahúsið.</p>

<p><strong>SÍ EISINI <a href="http://kvf.fo/greinar/2014/09/24/ropa-varsko-um-ebola">Rópa varskó um ebola</a></strong></p>

<p>Maðurin fekk fyrstu sjúkueyðkennini 24. september og varð innlagdur á sjúkrahúsið í Texas fýra dagar seinni, 28. september, har hann hevur verið avbyrgdur síðan.</p>

<p>Enn er ikki greitt, hvussu leingi maðurin hevur verið í USA, áðrenn tað varð staðfest, at hann er sjúkur av ebola. Higartil eru yvir 3.000 fólk deyð av ebola í Vesturafrika, har sjúkan hevur herjað síðani í februar.</p>

<p><strong>SÍ EISINI <a href="http://kvf.fo/netvarp/sv/2014/08/22/20140822foroyartilreidartilebola">Føroyar til reiðar til ebola</a></strong></p>

<p>Amerikanski læknin, Kent Brantley, gjørdist sjúkur av ebola í summar, og varð fluttur til USA. Hann varð viðgjørdur við einum higartil ókendum heilivági og gjørdist frískur aftur.</p>