Tríggir ráðharrar í Grønlandi leggja frá sær

Grønlendska stjórnin er í tvíningum eftir at tríggir ráðharrar hava boðað frá, at teir leggja frá sær, í kjalarvørrinum í málinum um Aleqa Hammond

Tríggir ráðharrar í Grønlandi leggja nú frá sær, eftir at tað er komið fram, at Aleqa Hammond, landsstýrisforkvinna, brúkti 106.000 krónur hjá landskassanum til at rinda familjuferðir

Bjarni Mohr

01.10.2014 - 13:39

Ráðharrarnir Nick Nielsen og Jens-Erik Kirkegaard, úr Siumut, og Steen Lynge, úr Atassut, leggja nú frá sær, skrivar grønlendska blaðið, <a href="http://sermitsiaq.ag/dyb-splittelse-tre-forlader-naalakkersuisut" target="_blank">Sermitsiaq</a>, á netinum.

Fráboðanin kemur eftir at tað er komið fram, at Aleqa Hammond, landsstýrisforkvinna, hevur brúkt 106.000 krónur hjá landinum til privat endamál.

SÍ EISINI <a href="http://kvf.fo/greinar/2014/09/28/landskassin-rindadi-fyri-familjuferd">L... rindaði fyri familjuferð</a>

- Vit hava boðað frá, at vit fara úr stjórnini, tí vit ikku kunnu góðtaka tað, ið er farið fram, siga Nick Nielsen og Jens-Erik Kirkegaard í einum tíðindaskrivi, ið er sent miðlum.

Aleqa Hammond fekk í gjár góðkent ynski sítt um at sleppa í farloyvi meðan málið verður kannað. Tíðindafundur, har meira verður at frætta, verður hildin seinni í dag.