Rusland viðurkennir valúrslit

<p>- Vit vænta, at valið verður sum ætlað, og vit fara at góðtaka úrslitið, sigur Sergej Lavrov, russiski&nbsp;uttanríkisráðharrin, í kjalarvørrinum á valinum í Ukraina, tá nýtt lóggávuting skuldi veljast.</p>

<p>Tá val var í Ukraina um vikuskiftið, vóru russiskt sinnaðu fólkini í Lugansk og Donetsk ikki á vali, men tað skulu tey um vikuskiftið, eina viku seinni enn hini í landinum.</p>

<p>Sergej Lavrov sigur seg rokna við, at valið verður friðarligt, og tá valið er av, stendur tað til fólkið í Eysturukraina, hvat tey velja at gera.</p>

<p><strong>SÍ EISINI <a href="http://kvf.fo/greinar/2014/10/26/nytt-loggavuting-i-ukraina-veljast">Nýtt lóggávuting í Ukraina veljast</a></strong></p>

<p>Stjórnin í Ukraina sigur, at tað sum fer fram í Eysturukraina er í stríð við allar reglur, og finst hvassliga at Ruslandi, fyri at stuðla tey russiskt sinnaðu har eysturi í landinum.</p>

<p>- Tað sum Rusland nú skipar fyri, er brot á tey framstig sum eru gjørt í viðurskiftunum ímillum partarnar seinasta hálva árið, sigur ein talsmaður fyri ukrainsku stjórnina.</p>

<p>Russiskt sinnaðu uppreistrardeildirnar hava longu noðað frá, at tá valið er av, fara Lugansk og Donetsk at ríva seg leys frá Ukraina.</p>