Norski oljugrunnurin farin upp um 6000 milliardir

Norski oljugrunnurin er nú farin uppum 6.000 milliardir krónur.  Í skrivandi stund, stendur hann til at vera 6.077 milliardir krónur verdur.

Síðani týsdagin er virðið á grunninum vaksið 100 milliardum krónum.

Tað merkir, at hvør norðmaður eigur 1.180.000 kr. í oljugrunninum.

Tá fíggjarlógin fyri í ár varð samtykt, metti norska stjórnin, at virðið á oljugrunninum fór at vera 5.500 milliardir kr. við árslok.

Oljugrunnurin er nú so stórur, sum metingar vístu, at hann fór at vera við árslok næsta ár.