Stýrimaðurin fleyg 150 fólk í deyðan

Myndugleikarnir í Fraklandi halda, at stýrimaðurin á Germanwings flogfarinum, ið datt niður týsdagin, gjørdi tað við beráddum huga

27 ára gamli Andreas Lubitz fleyg 150 fólk í deyðan, tá eitt flogfar hjá Germanwings datt niður har suðuri í Fraklandi, halda fronsku myndugleikarnir

Mynd: AP

Bjarni Mohr

26.03.2015 - 13:03

Gátan um Germanwings 4U9525 flogfarið, ið datt niður har suðuri í fronsku alpunum týsdagin, kann longu vera loyst, siga fronsku myndugleikarnir nú.

Stýrimaðurin fleyg øll tey 150 fólkini umborð á flogfarinum í deyðan við beráddum huga, siga fronsku myndugleikarnir sambært útlendskum miðlum á staðnum.

Greinin heldur fram niðanfyri

BREAKING: French prosecutor: Germanwings co-pilot appeared to want to `destroy the plane' .
— The Associated Press (@AP) March 26, 2015

Stýrimaðurin á 4U9525 flogfarinum hjá Germanwings er eyðmerktur sum 27 ára gamli Andreas Lubitz úr Týsklandi, skrivar BBC News.

Hildið verður ikki, at talan er um eina yvirgangsatsókn, hóast uppáhaldið hjá fronsku myndugleikunum, er fyribils niðurstøðan av kanningunum hjá myndugleikunum.

Fronsku myndugleikarnir eru komnir til fyribils niðurstøðuna eftir at hava lurtað eftir ljóðupptøkum frá tí eina svarta kassanum. Hin svarti kassin er ikki funnin enn.