Tann seinni svarti kassin funnin

Tann seinni av teimum báðum svørtu kassunum frá Germanwings flogfarinum, ið datt niður í Alpunum týsdagin 24. mars, er nú eisini funnin, skriva útlendskir fjølmiðlar.

Í svarta kassanum vónar franski ákærin at finna skrásetingar fyri øll tólini í flogfarinum, ið møguliga kunnu varpa enn meira ljós á, hví flogfarið datt niður.

Greinin heldur fram niðanfyri

Second black box found at #Germanwings crash site http://t.co/rmWal469wd pic.twitter.com/YvFvKxCl7s

— BBC Breaking News (@BBCBreaking) April 2, 2015

Tann fyrri av teimum báðum svørtu kassunum, ið inniheldur upptøkur úr stýrihúsinum, varð funnin stutt eftir at flogfarið datt niður í Alpunum.

Stýrimaðurin á flogfarinum, Andreas Lubitz, fleyg helst øll 150 fólkini í deyðan, segði ákærumyndugleikin, eftir at hava hoyrt upptøkurnar í tí fyrra svarta kassanum.

144 ferðafólk og manningin, ið taldi seks fólk, lótu lív 24. mars, tá flogfarið hjá Germanwings, ið var á veg úr Barcelona í Spania til Düsseldorf í Týsklandi, datt niður.