Ræðsla á næmingum eftir spreinging á skúlanum

Ræðsla kom á næmingarnar á lærda háskúlanum Kikuyu í høvuðsstaðnum í Kenya, Nairobi, tí stór spreinging var at hoyra í bygninginum. Keldur siga, at eitt fólk hevur latið lív og umleiði 230 eru innløgd á sjúkrahús til kanningar. Næmingarnir vóru bangnir fyri at tað aftur var ein yvirgangsatsókn. Hetta skrivar NRK í morgun.

Fyri tveimum vikum síðan, var stór yvirgangsatsókn framd móti lærda skúlanum Garissa, og nú stúrdu næmingarnir í Kikuyuskúlanum fyri, at hetta var ein nýggj yvirgangsatsókn sum hendi í morgun.

Tað vísti seg at tað var eitt tekninskt brek á einum elkaðali í kjallaranum í skúlanum, sum hevði elvt til spreinginina, sigur ein talsmaður frá almenna elfelagnum í Kenya.

Kenyanski politikarin, Marha Karua, skrivar á Twitter, at hon harmast hendingina, og hevur samkenslu við teimum avvarandi og teimum, sum eru komin illa fyri av spreingingini. Spreinginin hendi um fýratíðina í nátt, lokala tíð. Fleiri næmingar ivaðust ikki í, at tað var yvirgangsfelagsskapurin Al Shabaab, sum aftur framdi yvirgang. 

Tað er umleið tvær vikur síðan, at yvirgangsfelagsskapurin framdi stórt álop á skúlan Garissa, har 148 fólk lótu lív. Flestu teirra vóru kristin fólk, sum vóru tikin til viks og skotin.

​Ein næmingur læt lív, tá hann leyp av 6. hædd