ES ráðharrar kallaðir saman í skundi

Ráðharrar í ES londunum eru kallaðir saman á fund í dag, í kjalarvørrinum á vanlukkuni sunnudagin, ið hevur kravt hundraðtals mannalív

Hundraðtals flóttafólk druknaðu sunnunáttina í eini bátsvanlukku slakar 200 kilometrar sunnanfyri italsku oynna, Lampedusa. Á myndini síggjast tey, sum yvirlivdu vanlukkuna, saman við starvsfólkum hjá italsku myndugleikunum

Mynd: AP

Jákup Bogi Joensen

Bjarni Mohr

20.04.2015 - 08:56

Uttanríkis- og løgmálaráðharrarnir í ES londunum eru kallaðir saman til fund seinnapartin í dag at viðgera støðuna eftir vanlukkuna í Miðjarðarhavinum sunnunáttina, tá fleiri hundraðtals fólk druknaðu og lótu lív.

Talan var um flóttafólk, tey flestu úr Afrika. Skipið, tey vóru umborð á, sakk einar 200 kilometrar sunnan fyri italsku oynna Lampedusa.

Greinin heldur fram niðanfyri

New div after blockquote

Italian PM Matteo Renzi calls for more EU action on sea migration after migrant ship capsizes in Mediterranean http://t.co/XleW3GMCs7
— BBC News (World) (@BBCWorld) April 20, 2015

Stórar mannamúgvur flýggja í hesum døgum úr Afrika og miðeystri til Evropa í eini roynd at vinnan eydnuna og eitt betri lív undir betri korum.

Evropa er tí undir stórum trýsti, og tað er millum annað henda støða, sum ráðharrarnir í ES fara at viðgera.Flestu ráðharrarnir hava longu gjørt greitt, at teir vera við á fundinum í dag.