Spenningur um OPEC-fundin í morgin

Bíðað verður í spenningin eftir úrslitinum av fundinum hjá OPEC, sum verður í morgin.

Arabiska blaðið, Al Hayat, sum kemur út í London, skrivar, at fundurin í OPEC fríggjadagin verður stuttur, og at londini fara at halda fram við síni verandi oljusølu.

Kundar ella høgir prísir

Blaðið skrivar eisini, at Saudiarabia ætlar ikki at minka oljusøluna, so leingi landið hevur keyparar til oljuna.

Og Saudiarabia umber seg við, hvussu týdningarmikið tað er at hava nøgdar kundar, heldur enn høgar prísir.

Í mai settu londini í OPEC met í oljusølu. Londini seldu næstan 32 milliónir tunnur av olju um dagin í síðsta mánaði, vísir ein uppgerð.

Kjarnorkuætlanin endurskoðast
Nú eru tríggjar vikur, til avtalan um kjarnorkuætlanina við Iran skal endurskoðast, og so verða tiltøkini ímóti landinum sett úr gildi.
Iran hevur longu boðað frá, at landið kann økja sína sølu av olju við einari miljón tunnum av olju um dagin, seks mánaðir eftir at tiltøkini eru sett úr gildi.