Sólorkuflogfarið kom ikki kring knøttin

Battaríini virkaðu væl, men bjálvingin gjørdi tey ov heit. Tað tekur tíð at finna røttu loysnina, og tí verður ikki flogið meira í ár, verður sagt.

Battaríini eru neyðug, tí flogið verður nátt og dag. Sólsellurnar geva flogfarinum orku um dagin og løða battaríini, sum geva el-motorunum orku um náttina.

Men sólorkuflogfarið hevur longu sett nøkur met.

Andre Borschberg, flogskipari, setti m.a. met á ferðini um Kyrrahavið, tá hann, uttan steðg, fleyg 7.200 kilometrar eftir 118 tímum - og sjálvsagt bara við sólorku.

Sólorkuflogfarið byrjaði ferðina í  Abu Dhabi 9. mars, og ætlanin var at flúgva jørðina runt í ár, men nú verður tað so ikki fyrr enn næsta ár.