Bumbumaðurin var ikki einsamallur

Teilendski politimeistarin, Somyot Poompan-muang, sigur, at atsóknin er løgd til rættis í í hvussu er ein mánað frammanundan.

- Her er talan um stórt netverk. Nógv fólk vóru uppií fyrireikingunum - tey sum kannaðu gøturnar, gjørdu bumbuna og tey, sum vóru á staðnum og kendu rýmingarleiðina. Talan er í hvussu er um 10 fólk, sigur hann.

Løgreglan hevur eftirlýst ein mann í gulari t-shirt, sum varð sæddur á vakmyndatóli við Erawan Templið. Á myndunum sæst, at maður setur ein ryggsekk frá sær.

Greinin heldur fram niðanfyri

Thai police: 'The yellow shirt guy is not just the suspect. He is the bomber' #Bangkok http://t.co/GduI0e52Pl pic.twitter.com/fMM0AyptZw

— The Independent (@Independent) August 18, 2015

Maðurin kann vera útlendingur, siga teilendsku myndugleikarnir. Myndugleikarnir hava biðið Interpol um hjálp at finna mannin.

Teilendska løgreglan leitar eisini eftir tveimum monnum, sum stóðu frammanfyri mannin við ryggsekkinum, tá hann legði ryggisekkin undir ein bonk á staðnum.

Bumban brast í hinduistiska halgidóminum, Erawan, mánadagin. 22 fólk lótu lív í atsóknini. Enn hevur eingin tikið ábyrgd fyri atsóknina.