Val skrivað út í Grikkalandi

Tað hevur við sær, at grikkar fyri aðru ferð í ár skulu á tjóðartingsval. Tsipras og vinstrasinnaði flokkur hansara, Syriza, vunnu stórsigur á valinum í januar, men longu nú kennir hann seg noyddan at útskriva val aftur.

Grikkaland hevur gjørt avtalu við altjóða kreditorar um búskaparliga hjálp. Tilsamans lænir Grikkaland 86 milliardir evrur.

Serstakliga Týskland hevur sett sum treyt fyri láninum, at grikska stjórnin setur víðfevnd nýskipanartiltøk í verk.

Grikski forsetin fær harða mótstøðu á valinum

Alexis Tsipras heldur, at fólki nú má taka støðu til, um hann hevur gjørt eina nóg góða avtalu fyri framtíðina hjá Grikkalandi. Tí segði hann í sjónvarpinum hóskvøldið, at tað er hansara moralska skylda at útskriva nýval.

Alexis Tsipras er enn vælumtóktur millum grisku veljararnar, men tað verður væntað, at hann fer at fáa harða mótstøðu í komandi vali, eisini frá fólki í sínum egna flokki.

43 av 149 tingfólkum hjá Syriza atkvøddu nevnliga ímóti ella valdu ikki at atkvøða fyri avtaluni, sum mátti fáa atkvøður fra andstøðuni fyri at blíva samtykt. Griska valið verður væntandi tann 20. september.