Handtikin fyri yvirgangsætlanir

Ein teilendsk kvinna og ein útlendskur maður eru handtikin. eftir at løgreglan fann evni, ið eru ætlað at gera bumbur við, skrivar tíðindastovan AP.

Løgreglan í Tailandi fann krútroyk, talgilt ur, og fjarstýrdar bilar í íbúðini, sum kunnu brúkast til at bresta bumbur. Ein talsmaður fyri teilendsku løgregluna sigur við AP, at hetta er ætlað til bumbur.

Greinin heldur fram niðanfyri

BREAKING: Thai police say they found bomb-making material in another Bangkok apartment

— The Associated Press (@AP) August 31, 2015

Íbúðin er í Min Burdi býarpartinum í Bangkok, sum ikki er langt frá staðnum, har løgreglan leygardagin handtók ein útlendskan mann, og legði hald á líknandi evnir, ið vóru ætlað til at gera bumbur.

Teilendski hernaðarovastin, Udomdej Sitabutr, sigur við AP, at útlendski maðurin, sum er handtikin vil ikki siga fyri løgregluni, hvør hansara leiklutur í bumbálopinum var.

Persónlig motiv aftanfyri álopið 17. august

Hernaðarovastin sigur eisini, at maðurin er partur av ringi, sum tekst við fólkasmugling. Hann hevur hjálpt ólógligum tilflytarum við følskum passum.

Teilendska løgreglan heldur, at talan var ikki um vanligt yvirgangsálop tann 17. august, men at tað heldur lógu persónlig motiv aftanfyri.

Sambært tíðindastovuni AFP kann álopið knýtast at tí, at Teilendsku mynduleikarnir hava lagt nógv størru orku í at finna og handtaka fólk, sum smugla menniskju inn í Teiland.