- Tíðindi, mentan og ítróttur
Skutu táragass eftir mótmælisfólkum
Skutu táragass eftir mótmælisfólkum
Løgreglan í Fraklandi nýtti í gjár táragass ímóti mótmælisfólkum, uppundir veðurlagsráðstevnuna sum byrjar í dag. Løgreglan tók eisini um 100 fólk
Løgreglan í Fraklandi brúkti sunnudagin táragass ímóti mótmælisfólkum, uppundir veðurlagsráðstevnuna sum byrjar í dag
Mynd: AP
30.11.2015 - 09:07
Fleiri túsund fólk vóru møtt til mótmælisgonguna, hóast fronsku myndugleikarnir hava sett forboð fyri mótmælisgongum, eftir yvirgangsatsóknina herfyri.
Mótmælisfólkini savnaðust í miðbýnum í París, har sum tey høvdu avtalað at hittast, áðrenn myndugleikarnir settu forboð fyri mótmælum.
Greinin heldur fram niðanfyri
Í dag byrjar veðurlagsráðstevnan, COP 21. Yvir 140 stats- og ríkisleiðarar fara at vitja í París tær tvær vikurnar sum toppfundurin er. Haraftrat koma um 40.000 onnur fólk til París.
Franska stjórnin hevur givið boð um at herða eftirlitið uppundir ráðstevnuna, og 2.800 løgreglufólk hava fingið boð um at ansa eftir sjálvum ráðstevnuøkinum, sum er í norðrara partinum av París.
Er kopiera
Nýggjastu sendingar í ÚV
Nýggjastu sendingar í SV
