Flýggja til Turkalands í hópatali

Tað upplýsir guvernørurin í turkiska marknabýnum Kilis fyri Reuters. Sostatt er talið á sýriskum flótttafólkum við turkiska markið tvífaldað seinasta samdøgrið. 

Guvernørurin segði tíðindafólkum, at hann væntar, at 70.000 sýrar aftrat fara at flýggja undan sýriska herinum og russisku loftálopunum. Turkaland hevur sýtt fyri at lata marknaliðið við Kilis upp.

Í staðin fáa flóttafólkini mat, teppi og innivist sýrisku megin markið. Men turkiski uttanríkisráðharrin vissar um, at marknaliðini eru opin fyri teimum mongu, sum eru flýdd undan bumbuálopunum í sýriska býnum Aleppo. 

Hann sigur, at 5.000 flóttafólk eru longu komin úr Aleppo, og millum 50.000 og 55.000 eru væntandi aftrat.

Tilsamans umleið ein millión flóttafólk eru komin til Evropa eftir Miðjarðarhavinum seinasta árið.